മാഡ്രിഡ്: റയല്‍ മാഡ്രിഡ് നായകനാണ് റിയല്‍ നായകന്‍. ലോകത്തിലെ ഏറ്റവും മികച്ച പ്രതിരോധ താരങ്ങളുടെ പട്ടികയെടുത്താല്‍ ആദ്യ പേരുകാരനായിരിക്കും റയലിനെ മുന്നോട്ടുനയിക്കുന്ന സെര്‍ജിയോ റാമോസ്. കഴിഞ്ഞ മത്സരത്തില്‍ ഗോള്‍ വേട്ടക്കാരുടെ ഇനത്തിലും പുത്തന്‍ റെക്കോഡിട്ട റാമോസ് ലാ ലിഗയില്‍ കൂടുതല്‍ ഗോള്‍ നേടുന്ന പ്രതിരോധ താരമായി. റയല്‍ സോസിഡാഡിനെതിരായ മത്സരത്തില്‍ അമ്പതാം മിനിറ്റില്‍ പെനാല്‍റ്റിയിലൂടെ ഗോള്‍ നേടിയ റാമോസ് ലാ ലിഗയില്‍ ഇതുവരെ 68 ഗോളുകള്‍ തികച്ചു. ഇതോടെ മുന്‍ ബാഴ്‌സലോണ താരം റോണാള്‍ഡ് കീമാന്റെ റെക്കോഡാണ് പഴങ്കഥയായത്.
റയല്‍ സോസിഡാഡിനെതിരായ മത്സരത്തില്‍ ആദ്യ ഗോള്‍ നേടി ടീമിനെ മുന്നിലെത്തിച്ച റാമോസ് എന്നാല്‍ മത്സരം പൂര്‍ത്തിയാകും മുമ്പ് പരിക്കേറ്റ് പുറത്തുപോയതും ചര്‍ച്ചയായി. 34 കാരനായ റാമോസിന്റെ പരിക്ക് ഗുരുതരമല്ലെന്നാണ് സൂചന.
പ്രതികരിക്കാൻ ഇവിടെ എഴുതുക: