ലണ്ടന്‍: മുന്നേറ്റനിര താരമായ ടിമോ വെര്‍ണര്‍ ഇംഗ്ലീഷ് പ്രീമിയര്‍ ലീഗ് ടീമായ ചെല്‍സിയില്‍ ചേര്‍ന്നു. ജര്‍മന്‍ ലീഗ് ക്ലബ്ബായ ലീപ്‌സിഗില്‍ നിന്നാണ് വെര്‍ണര്‍ ചെല്‍സിയിലേക്ക് ചേക്കേറിയത്. ഇതോടെ വെര്‍ണര്‍ക്ക് ലിപ്‌സിഗിനായി ചാമ്പ്യന്‍സ് ലീഗില്‍ കളിക്കാനുള്ള അവസരം നഷ്ടമായി.
അടുത്തമാസം വെര്‍ണര്‍ ചെല്‍സിക്കൊപ്പം ചേരും. 68 മില്യണ്‍ ഡോളറിനാണ് കരാര്‍. 2016 ലാണ് വെര്‍ണര്‍ ലീപ്‌സിഗിനായി അരങ്ങേറിയത്. ബുധനാഴ്ച നടന്ന ജര്‍മന്‍ ലീഗ് മത്സരത്തില്‍ ഡ്യൂസില്‍ഡോര്‍ഫിനെതിരെ ലീപ്‌സിഗിനായി വെര്‍ണര്‍ ഗോള്‍ നേടിയിരുന്നു.
ലോകത്തെ ശക്തമായ ലീഗായ പ്രീമിയര്‍ ലീഗില്‍ കളിക്കണമെന്നത് എന്റെ സ്വപ്‌നമായിരുന്നു. ഇപ്പോള്‍ അതിനുള്ള അവസരം ലഭിച്ചു. ഈ പുതിയ സാഹസികതയെക്കുറിച്ച് ഞാന്‍ വളരെ ആവേശത്തിലാണെന്ന്് വെര്‍ണര്‍ പറഞ്ഞു.
പ്രതികരിക്കാൻ ഇവിടെ എഴുതുക: