പരവൂര്‍: പൂതക്കുളം സര്‍വീസ് സഹകരണ ബാങ്കിലെ കളക്ഷന്‍ ഏജന്റ് സത്യദേവിഅമ്മ ആത്മഹത്യചെയ്ത സംഭവം ക്രൈം ബ്രാഞ്ച് അന്വേഷിക്കണമെന്ന് ബിജെപി ജില്ലാ വൈസ്പ്രസിഡന്റ് എ.ജി. ശ്രീകുമാര്‍ ആവശ്യപ്പെട്ടു. ബിജെപി
പൂതക്കുളം പഞ്ചായത്ത് സമിതിയുടെ ആഭിമുഖ്യത്തില്‍ ബാങ്കിന്റെ ഊന്നിന്‍മൂട് ശാഖയ്‌ക്കു മുന്നില്‍ സംഘടിപ്പിച്ച സമരം ഉദ്ഘാടനം ചെയ്യുകയായിരുന്നു അദ്ദേഹം. സത്യദേവിയമ്മയുടെ ആത്മഹത്യയില്‍ ദുരൂഹതയുണ്ട്. ബാങ്ക് പ്രസിഡന്റിന്റെ നേതൃത്വത്തിലുള്ള ബാങ്ക് ഭരണസമിതി സത്യദേവിയമ്മയെ മാനസികമായി തകര്‍ക്കുന്ന രീതിയില്‍ സംസാരിച്ചിരുന്നു. ഹൈക്കോടതി വിധി അട്ടിമറിച്ചു കൊണ്ടാണ് സത്യദേവിയടക്കം അഞ്ചുപേരെ മറികടന്ന് ജൂനിയറായ ഒരാള്‍ക്ക് നിയമനം നല്കിയത്. അതുകൊണ്ടുതന്നെ ബാങ്ക് ഭരണസമിതിയെ മാറ്റി നിര്‍ത്തി കേസ് ക്രൈംബ്രാഞ്ച് അന്വേഷിക്കണമെന്ന് എ.ജി. ശ്രീകുമാര്‍ ആവശ്യപ്പെട്ടു. പഞ്ചായത്ത് സമിതി പ്രസിഡന്റ് സുജിത്കുമാര്‍ അദ്ധ്യക്ഷത വഹിച്ചു. അശോകന്‍, സജീഷ്, അനില്‍കുമാര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: