ഇംഫാല്‍: ഐ ലീഗില്‍ നെരോക്ക എഫ്‌സിയുടെ കിരീട മോഹങ്ങള്‍ക്ക് തിരിച്ചടി. നിര്‍ണായക മത്സരത്തില്‍ അവര്‍ നിലവിലെ ചാമ്പ്യന്മാരായ ഐസ്വാള്‍ എഫ് സിയുമായി ഗോള്‍ രഹിത സമനില പിടിച്ചു.
ഈ സമനിലയോടെ നെരോക്ക 15 മത്സരങ്ങളില്‍ 28 പോയിന്റുമായി രണ്ടാം സ്ഥാനത്ത്് നില്‍ക്കുകയാണ്. ഒന്നാം സ്ഥാനത്തുള്ള മിനര്‍വ പഞ്ചാബിനെക്കാള്‍ ഒരു പോയിന്റ് പിന്നിലാണ് അവര്‍. എന്നാല്‍ പതിമൂന്ന് മത്സരങ്ങളില്‍ നിന്നാണ് 29 പോയിന്റുമായി മിനര്‍വ ഒന്നാം സ്ഥാനത്ത് തുടരുന്നത്്്.ഐ ലീഗില്‍ ഓരോ ടീമിനും പതിനെട്ട്് മത്സരങ്ങളാണുള്ളത്.നെരോക്കയ്‌ക്ക്് ഇനി മൂന്ന് മത്സരങ്ങളെ ശേഷിക്കുന്നുള്ളൂ. അതേസമയം മിനര്‍വ പഞ്ചാബിന് അഞ്ചു മത്സരങ്ങള്‍ കൂടിയുണ്ട്.
പതിമൂന്ന് മത്സരങ്ങളില്‍ 17 പോയിന്റു നേടിയ ഐസ്വാള്‍ ആറാം സ്ഥാനത്താണ്.
പ്രതികരിക്കാൻ ഇവിടെ എഴുതുക: