കുവൈറ്റ്: ബാലഗോകുലത്തിന്റെ കീഴിലുള്ള അമൃതഭാരതി വിദ്യാപീഠം നടത്തിയ സാംസ്‌ക്കാരിക പരീക്ഷയില്‍ കുവൈറ്റില്‍ പരീക്ഷ എഴുതിയ വിദ്യാര്‍ത്ഥിക്ക് രണ്ടാം റാങ്ക്. കുവൈറ്റ് മധുര ബാലദര്‍ശിനിലെ അംഗം അനുഷിഖ വിനോദാണ് രണ്ടാം റാങ്കിന് അര്‍ഹത തേടിയത്. പ്രബോധിനി പരീക്ഷയില്‍ ആറാം ക്‌ളാസ്സുകാരിയായ അനുഷിഖ 125 ല്‍ 118 മാര്‍ക്ക് നേടി.
ഭാരതത്തിന്റെ മഹത്തായ സാംസ്‌കാരിക പാരമ്പര്യം, നമ്മുടെ ആചാര അനുഷ്ടാനങ്ങള്‍, ഋഷി മാരുടെയും മഹാപുരുഷന്മാരുടെയും ജീവിത കഥകള്‍, സംസ്‌കൃതം എന്നിവ പഠന വിഷയമാക്കി മാതൃഭാഷയില്‍ നടത്തപ്പെടുന്ന മൂന്നു തലത്തില്‍ ഭാരതത്തിലും വിദേശത്തുമായി ഏകദേശം 5000ത്തോളം കുട്ടികള്‍ എഴുതിയ പരീക്ഷയില്‍ കുവൈറ്റില്‍ നിന്നും 68 കുട്ടികളാണ് പരീക്ഷ എഴുതിയത്.
പ്രബോധിനി പരീക്ഷ എഴുതിയ 38 ല്‍ 26 കുട്ടികള്‍ വിജയിച്ചു. സാന്ദീപനി പരീക്ഷ 30 കുട്ടികള്‍ എഴുതിയതില്‍ 23 കുട്ടികള്‍ വിജയിച്ചു
പ്രതികരിക്കാൻ ഇവിടെ എഴുതുക: