പെരുമ്പടപ്പ്: രൂക്ഷമായ ഗതാഗതക്കുരുക്കില്‍ വലയുകയാണ് പെരുമ്പടപ്പ് പുത്തന്‍പള്ളി സെന്റര്‍. വാഹനങ്ങള്‍ കൂട്ടമായി പാതയോരത്ത് പാര്‍ക്ക് ചെയ്യുന്നതാണ് കുരുക്കിന് കാരണം. പെരുമ്പടപ്പ് പഞ്ചായത്തിലെ പ്രധാന വ്യാപാര കേന്ദ്രമായ പുത്തന്‍പള്ളി സെന്റര്‍ പാര്‍ക്കിംങ് സൗകര്യത്തിന്റെ അഭാവംമൂലം ദിവസവും വലയുകയാണ്. സെന്ററിലെ പാതയോരത്ത് നിയന്ത്രണമില്ലാതെ വാഹനങ്ങള്‍ കൂട്ടത്തോടെ പാര്‍ക്ക് ചെയ്തതിനാല്‍ പൊന്നാനിഗുരുവായൂര്‍ സംസ്ഥാനപാതയില്‍ ഇന്നലെ മുക്കാല്‍ മണിക്കൂര്‍ ഗതാഗതം മുടങ്ങി. ഇതോടെ യാത്രക്കാരും ഏറെ ബുദ്ധിമുട്ടി. നാട്ടുകാരും ഡ്രൈവര്‍മാരും ഇടപെട്ടാണ് ഗതാഗതം പുനഃസ്ഥാപിച്ചത്. പാര്‍ക്കിംങിന് പ്രത്യേക സ്ഥലം ഇല്ലാത്തതിനാല്‍, ഇവിടെ എത്തുന്നവര്‍ വാഹനങ്ങള്‍ റോഡരികില്‍തന്നെ നിര്‍ത്തിയാണ് പോകുന്നത്. ചന്തദിവസമായ വെള്ളിയാഴ്ച കൂടുതല്‍ വാഹനങ്ങള്‍ പുത്തന്‍പള്ളി സെന്ററില്‍ എത്തുന്നതോടെ ഗതാഗതം പൂര്‍ണമായും നിലയ്‌ക്കുന്ന അവസ്ഥയാണ്. മുന്‍കാലങ്ങളില്‍ ഗതാഗതം നിയന്ത്രിക്കാന്‍ പൊലീസ് ഉണ്ടായിരുന്നെങ്കിലും ഇപ്പോള്‍ സേവനം ലഭിക്കുന്നത് കുറവാണ്.
Saturday, November 23, 2024
ഗതാഗതക്കുരുക്കില്‍ വലഞ്ഞ് പെരുമ്പടപ്പ് പുത്തന്‍പള്ളി സെന്റര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: