പുത്തനത്താണി: മലപ്പുറം സെന്‍ട്രല്‍ സഹോദയയും സിബിഎസ്ഇ സ്‌കൂള്‍ മാനേജ്‌മെന്റ് അസോസിയേഷനും സംയുക്തമായി പുത്തനത്താണി എംഇഎസ് സെന്‍ട്രല്‍ സ്‌കൂളില്‍നടത്തുന്ന ജില്ലാ കലോല്‍സവം രണ്ട് ദിവസം പിന്നിട്ടപ്പോള്‍ 569 പോയിന്റുമായി തിരൂര്‍ എംഇ എസ് സ്‌കൂള്‍ മുന്നില്‍.
442പോയിന്റുമായി എംഇഎസ് സ്‌കൂള്‍ കുറ്റിപ്പുറം, 321 പോയിന്റുമായി കടകശ്ശേരി ഐഡിയല്‍ സ്‌കൂള്‍ എന്നിവര്‍ രണ്ടും മൂന്നും സ്ഥാനത്താണ്. കലാമേള ഇന്ന് സമാപിക്കും സമാപന സമ്മേളത്തില്‍ ജില്ലാ പഞ്ചായത്ത് പ്രസിഡന്റ് എപി ഉണ്ണികൃഷ്ണന്‍, പി. ഉബൈദുള്ള എംഎല്‍എ, മാറാക്കര ഗ്രാമപഞ്ചായത്ത് പ്രസിഡന്റ് മൊയ്തീന്‍ കുട്ടി, കാടാമ്പുഴ സബ്ഇന്‍സ്‌പെക്ടര്‍ വാസു എന്നിവര്‍ വിവിധ വിഭാഗങ്ങളിലെ വിജയികളെ ആദരിക്കും.
പ്രതികരിക്കാൻ ഇവിടെ എഴുതുക: