മലപ്പുറം: കുടുംബശ്രീയുടെ ആഭിമുഖ്യത്തില്‍ പ്രവര്‍ത്തിക്കുന്ന ബഡ്‌സ് സ്‌കൂള്‍ വിദ്യാര്‍ത്ഥികളുടെ കലോത്സവം നാളെ മലപ്പുറം ഗവ.കോളേജില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ശലഭങ്ങള്‍ എന്ന് പേരിട്ടിരിക്കുന്ന കലാമേളയില്‍ ഏഴ് ബഡ്‌സ് സ്‌പെഷ്യല്‍ സ്‌കൂളുകളില്‍ നിന്നും എട്ട് റിഹാബിലിറ്റേഷന്‍ സെന്ററുകളില്‍ നിന്നുമായി 600 പേര്‍ പങ്കെടുക്കും. രാവിലെ 9.30ന് മന്ത്രി ഡോ.കെ.ടി.ജലീല്‍ ഉദ്ഘാടനം നിര്‍വ്വഹിക്കും. പി.ഉബൈദുള്ള എംഎല്‍എ അദ്ധ്യക്ഷനാകും.
വാര്‍ത്താസമ്മേളനത്തില്‍ കുടുംബശ്രീ ജില്ലാ കോ-ഓര്‍ഡിനേറ്റര്‍ സി.കെ.ഹേമലത, കെ.എസ്.അസ്‌കര്‍, സി.റഫീഖ് എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: