വേങ്ങര: വേങ്ങര നിയോജകമണ്ഡലം എന്‍ഡിഎ സ്ഥാനാര്‍ത്ഥി കെ.ജനചന്ദ്രന്‍ മാസ്റ്റര്‍ ഇന്നലെ രാവിലെ കണ്ണമംഗലം ചേറൂര്‍ നരസിംഹമൂര്‍ത്തി ക്ഷേത്രത്തില്‍ ദര്‍ശനം നടത്തിയ ശേഷം റിട്ടയേര്‍ഡ് എസ്.പി ചാക്കീരി അബൂബക്കറിനേയും എസ്എന്‍ഡിപി നേതാവ് കാളങ്ങാടന്‍ ചന്തുവിനേയും സന്ദര്‍ശിച്ചു. തുടര്‍ന്ന് മുട്ടുംപുറം എസ്‌സി കോളനി, മുട്ടുംപുറം അങ്ങാടി, ഊരകം നവോദയ സ്‌കൂള്‍, കണ്ണമംഗലം പഞ്ചായത്ത് ഓഫീസ്, കൃഷിഭവന്‍ കൂടാതെ വിവിധ സര്‍ക്കാര്‍ ഓഫീസുകളും കണ്ണമംഗലം നെല്ലിക്കപ്പറമ്പ് കോളനിയിലും സന്ദര്‍ശനം നടത്തി. പിന്നീട് എ.ആര്‍ നഗര്‍ പഞ്ചായത്തിലെ ലക്ഷം വീട് കോളനി സന്ദര്‍ശനം നടത്തിയ ശേഷം എ.ആര്‍ നഗര്‍ പി.കെ ഓഡിറ്റോറിയത്തില്‍ നടന്ന പഞ്ചായത്ത് കണ്‍വെന്‍ഷനിലും പങ്കെടുത്തു.
ഇന്ന് വേങ്ങര, പറപ്പൂര്‍ പഞ്ചായത്തുകളിലെ വിവിധ പ്രദേശങ്ങളില്‍ പ്രമുഖ വ്യക്തികളേയും, സാമുദായിക സംഘടനാ നേതാക്കളേയും നേരില്‍ കണ്ട് വോട്ട് അഭ്യര്‍ത്ഥിക്കും. പ്രദേശത്തെ വിവിധ സര്‍ക്കാര്‍ ഓഫീസുകളിലും വിദ്യാഭ്യാസ സ്ഥാപനങ്ങളിലും നേരിട്ട് എത്തി വോട്ട് അഭ്യര്‍ത്ഥിക്കും. കൂടാതെ.കാട്ടിയേക്കല്ലില്‍ നടക്കുന്ന പറപ്പൂര്‍ പഞ്ചായത്ത് കണ്‍വെന്‍ഷനിലും തീണ്ടേക്കാട് നടക്കുന്ന കണ്ണമംഗലം പഞ്ചായത്ത് കണ്‍വെന്‍ഷനിലും പങ്കെടുക്കും.
പ്രതികരിക്കാൻ ഇവിടെ എഴുതുക: