കാട്ടാനയുടെ ആക്രമണത്തില്‍ വീട് തകര്‍ന്നു

കരുവാരക്കുണ്ട്: കാട്ടാനയുടെ ആക്രമണത്തില്‍ വീട് തകര്‍ന്നു.

കേരള എസ്റ്റേറ്റ് കണ്ണത്ത് മലവാരത്തിലെ കൊങ്ങമല അഗസ്റ്റിന്റെ വീടും കൃഷിയുമാണ് നശിപ്പിച്ചത്.

കഴിഞ്ഞ ദിവസം പുലര്‍ച്ചെയാണ് സംഭവം. പ്രദേശത്ത് കാട്ടാനകളുടെ ആക്രമണം വ്യാപകമാണ്. സൈലന്റ് വാലി ബഫര്‍സോണില്‍ നിന്നുമാണ് കാട്ടാനകള്‍ കേരള എസ്റ്റേറ്റ് ജനവാസകേന്ദ്രത്തില്‍ ഇറങ്ങുന്നത്.

കാട്ടാനയുടെ ആക്രമണത്തില്‍ വീടിന്റെ മേല്‍ക്കുരയും, ഭിത്തികളും തകര്‍ന്നിട്ടുണ്ട്. വീട്ടിലെ താമസക്കാര്‍ അത്ഭുതകരമായിട്ടാണ് രക്ഷപ്പെട്ടത്. നൂറോളം കവുങ്ങ്, ജാതി, വാഴ തുടങ്ങി കൃഷികളും നശിപ്പിച്ചു.