ഉദുമ: സ്വാതന്ത്രദിനാഘോത്തിന്റെ ഭാഗമായി യുവമോര്‍ച്ച ജില്ല കമ്മറ്റിയുടെ നേതൃത്വത്തില്‍ ഉദുമയില്‍ നിന്ന് കുമ്പളയിലേക്ക് തിരംഗ യാത്ര സംഘടിപ്പിച്ചു. യാത്ര നായകന്‍ യുവമോര്‍ച്ച ജില്ല പ്രസിഡന്റ് പി.ആര്‍.സുനിലിന് ദേശീയ പതാക കൈമാറി കൊണ്ട് ബിജെപി ജില്ല പ്രസിഡന്റ് അഡ്വ.കെ. ശ്രീകാന്ത് ഉദ്ഘാടനം ചെയ്തു.
ധീര ദേശാഭിമാനികളായ അനേകായിരം ജനങ്ങള്‍ ജീവത്യാഗം ചെയ്ത് നേടിയെടുത്ത സ്വാതന്ത്ര്യം കാത്തു സൂക്ഷിക്കാന്‍ നാം ഒരാരുത്തരും ബാധ്യസ്ഥരാണെന്ന് ഉദ്ഘാടന പ്രസംഗത്തിത്തില്‍ ശ്രീകാന്ത് പറഞ്ഞു. യോഗത്തില്‍ യുവമോര്‍ച്ച ഉദുമ മണ്ഡലം പ്രസിഡന്റ് പ്രദീപ്.എം.കൂട്ടക്കനി അദ്ധ്യക്ഷത വഹിച്ചു.
യുവമോര്‍ച്ച സംസ്ഥാന സെക്രട്ടറി എ.പി.ഹരീഷ്, ബിജെപി ജില്ലമീഡിയ സെല്‍ കണ്‍വീനര്‍ വൈ.കൃഷ്ണദാസ്, ഉദുമ മണ്ഡലം പ്രസിഡന്റ് കെ.ടി.പുരുഷോത്തമന്‍, ജനറല്‍ സെക്രട്ടറി എന്‍.ബാബുരാജ്, ഒബിസി മോര്‍ച്ച ജില്ല സെക്രട്ടറി തമ്പാന്‍ അച്ചേരി, ദീലീപ് പള്ളഞ്ചി, ബിജെപി ഉദുമ പഞ്ചായത്ത് പ്രസിഡന്റ് ദിനേശന്‍ ഞെക്ലി, സെക്രട്ടറി ശ്യാംപ്രസാദ് കാശി, നേതാക്കളായ വിവേക് പരിയാരം, ധനഞ്ജയന്‍ തുടങ്ങിയവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: