നീലേശ്വരം: കോട്ടപ്പാറയില്‍ നടന്ന ഡിവൈഎഫ്‌ഐ പരിപാടി കഴിഞ്ഞ് തിരിച്ചു പോകുന്ന വഴിക്ക് സിപിഎം, ഡിവൈഎഫ്‌ഐ ഗുണ്ടകള്‍ നീലേശ്വരം റെയില്‍വേ മേല്‍പ്പാലത്തിന് സമീപമുള്ള ബിജെപി തൃക്കരിപ്പൂര്‍ മണ്ഡലം ഓഫീസ് തകര്‍ത്ത് കൊള്ളയടിച്ചു. ഷെല്‍ഫില്‍ സൂക്ഷിച്ച പത്തായിരം രൂപയടക്കം ഒരു ലക്ഷം രൂപയുടെ നഷ്ടം കണക്കാക്കുന്നു. കമ്പ്യൂട്ടര്‍ ഗുണ്ടാസംഘം കൊണ്ടുപോയി. ടി.വി, ഫാന്‍, മേശ, കസേര ഷെ ല്‍ഫ്, ക്ലോക്ക്, ഇലക്ട്രിക് വയറിങ്ങ് എന്നു വേണ്ട സകലതും തകര്‍ത്ത് തരിപ്പണമാക്കി കച്ചവടക്കാരും പൊതുജനങ്ങും നോക്കിനില്‍ക്കെ നടന്ന യുദ്ധസമാനമായ ഗുണ്ടാവിളയാട്ടം നാടിനെ നടുക്കി. ബിജെപിയുടെയായി ഒരു പതാക പോലും ബാക്കിയാക്കാതെയാണ് നാശം വരുത്തിയിരിക്കുന്നത്.
ബിജെപി മണ്ഡലം പ്രസിഡണ്ട് എം.ഭാസ്‌കരന്‍, സെക്രട്ടറിമാരായ വെങ്ങാട്ട് കുഞ്ഞിരാമന്‍, പി.യു.വിജയകുമാര്‍ നേതാക്കളായ പി.വി.സുകുമാരന്‍, കെ.കൃഷ്ണകുമാര്‍, സാഗര്‍ ചാത്തമത്ത്, സുനില്‍ ചാത്തമത്ത് തുടങ്ങിയവര്‍ ഓഫീസ് സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: