കൊച്ചി: ആപ്ബാറ്റ് അസോസിയേഷനു വേണ്ടി ചെന്നൈ ആസ്ഥാനമായുള്ള പ്രിസം ഇവന്റ്‌സ് സംഘടിപ്പിക്കുന്ന സ്പ്ലാഷ് പ്രദര്‍ശനം ആരംഭിച്ചു. അങ്കമാലി സെന്റ് ജോസഫ് സ്‌കൂള്‍ മൈതാനത്താണ് മേള നടക്കുന്നത്. നോഹയുടെ പേടക രൂപത്തിലുള്ള വേദിയില്‍ അലങ്കാര മത്സ്യ പ്രദര്‍ശനം, പെറ്റ് ഷോ, അലങ്കാര പക്ഷി/കോഴി/പ്രാവ്/പുഷ്പ പ്രദര്‍ശനം, വാഹന വിപണന മേള, ഗൃഹോപകരണ മേള, കാര്‍ഷിക പുഷ്പമേള, വൈവിധ്യമാര്‍ന്ന ഫുഡ് ഫെസ്റ്റിവല്‍ എന്നിവ ഒരുക്കിയിട്ടുണ്ട്.
ഓര്‍ക്കിഡുകള്‍ മുതല്‍ പൂച്ചെടികളിലെയും ഫലവൃക്ഷത്തൈകളിലെയും അത്യപൂര്‍വ്വ ശേഖരവുമായി നഴ്‌സറികളും ബോണ്‍സായ് പ്രദര്‍ശനവും വീടുകളില്‍ കുറഞ്ഞ ഇടത്തില്‍ കോഴികളെയും താറാവുകളെയും വളര്‍ത്താവുന്ന കൂടുകള്‍, ജൈവവളങ്ങള്‍, ബയോഗ്യാസ് പ്ലാന്റുകള്‍, കാര്‍ഷിക ഉപകരണങ്ങളും ഉത്പന്നങ്ങളും, പൂന്തോട്ട ഉപകരണങ്ങളും ഉത്പന്നങ്ങളും തുടങ്ങിയവ കാര്‍ഷിക പുഷ്പമേളയിലുണ്ട്. 11 മണി മുതല്‍ വൈകീട്ട് എട്ടര വരെയാണ് പ്രദര്‍ശനം.
പ്രതികരിക്കാൻ ഇവിടെ എഴുതുക: