കൊച്ചി: കാവ്യ മാധവന് പിന്നാലെ ചലച്ചിത്രനടി ജോമോളും ബിസിനസ് രംഗത്തേയ്ക്ക്. എന്തിനും ഏതിനും ഓണ്‍ലൈന്‍ സംവിധാനം ആശ്രയിക്കുന്നവര്‍ക്കിടയിലേയ്‌ക്ക് മേയ്‌ക്ക് ഇറ്റ് സെപ്ഷ്യല്‍.ഇന്‍ എന്ന വെബ് പോര്‍ട്ടുലുമായിട്ടാണ് ജോമോളും ഭര്‍ത്താവ് ചന്ദ്രശേഖരപിള്ളയും ബിസിനസ് രംഗത്തേയ്ക്ക് കാലുകുത്തുന്നത്.
പ്രിയപ്പെട്ടവര്‍ക്ക് വിശേഷ അവസരങ്ങളില്‍ സമ്മാനങ്ങള്‍ നല്‍കുന്നതിനായിട്ടുള്ളതാണ് ഈ വെബ്‌സൈറ്റ്. കേരളത്തിലെ പത്ത് പഞ്ചനക്ഷത്ര ഹോട്ടലുകളുമായി സഹകരിച്ചുകൊണ്ടാണ് അവസരം ഒരുക്കിയിരിക്കുന്നത്.
www.m-akeitspecial.in എന്ന സൈറ്റിലൂടെ ഡൈന്‍ ഔട്ട്, സ്പാ, റൂംസ്, ഹൗസ് ബോട്ട് തുടങ്ങിയ അനുഭവങ്ങള്‍ സമ്മാനമായി നല്‍കാന്‍ സാധിക്കും. കൂടാതെ സംഗീതം, നൃത്തക്ലാസുകള്‍, ആര്‍ട്ട്‌സ് ആന്റ് ക്രാഫ്റ്റ് ക്ലാസുകള്‍, കുക്കിംഗ് ക്ലാസുകള്‍, ആയോധന കലകള്‍, യോഗക്ലാസുകള്‍, സ്‌കൂബ ഡൈവിംഗ് തുടങ്ങിയ വ്യത്യസ്മായ അനുവഭങ്ങള്‍ പകര്‍ന്നുനല്‍കാനുള്ള തയ്യാറെടുപ്പിലാണ് മേയ്‌ക്ക് ഇറ്റ് സെപ്ഷ്യല്‍.ഇന്‍.
മേയ്‌ക്ക് ഇറ്റ് സെപ്ഷ്യല്‍ ഗിഫിറ്റിംഗ് സൊലൂഷന്‍സ് കമ്പനിയുടെ ഉദ്ഘാടനം ജോമോള്‍ നിര്‍വഹിച്ചു. ഡയറക്ടര്‍ ഗീത പിള്ള, നിയമ ഉപദേഷ്ടാവ് അഡ്വ.വിഷ്ണു വി.കുറുപ്പ് എന്നിവരും പങ്കെടുത്തു
പ്രതികരിക്കാൻ ഇവിടെ എഴുതുക: