കൊച്ചി: കുഞ്ചാക്കോ ബോബന്‍ നായകനായെത്തുന്ന ‘ജമ്‌നാപ്യാരി’യുടെ ഗാനങ്ങള്‍ റിലീസ് ചെയ്തു. പ്രമുഖ മ്യൂസിക് ലേബല്‍ ആയ Muzik247 എത്തിക്കുന്ന ഗാനങ്ങളുടെ ഓഡിയോ ലോഞ്ച് കൊച്ചി പനമ്പിള്ളി നഗറിലെ ഓട്ടോ സ്റ്റാന്റില്‍ വച്ചായിരുന്നു നടന്നത്.
ചിത്രം ഓട്ടോ തൊഴിലാളികളുടെ കഥപറയുന്നത് കൊണ്ടാണ് ഓട്ടോ സ്റ്റാന്റ് തന്നെ ഓഡിയോ ലോഞ്ചിംഗിന് വേദിയായി തെരഞ്ഞെടുത്തത്. നടന്‍ നിവിന്‍ പോളി സിഡി പ്രകാശനം ചെയ്തു.
ദേശീയ പുരസ്‌കാര ജേതാവായ ഗോപി സുന്ദറാണ് ഗാനങ്ങള്‍ ചിട്ടപ്പെടുത്തിയിരിക്കുന്നത്. കുഞ്ചാക്കോ ബോബന്‍ ഓട്ടോ തൊഴിലാളിയായ വാസൂട്ടനായി പ്രധാന വേഷത്തിലെത്തുന്ന ചിത്രത്തില്‍ പുതുമുഖം ഗായത്രി സുരേഷാണ് നായിക. കൂടാതെ ജോയ് മാത്യു, അജു വര്‍ഗീസ്, നീരജ് മാധവ്, സൂരാജ് വെഞ്ഞാറമൂട് എന്നിവരും ഈ ചിത്രത്തില്‍ അഭിനയിക്കുന്നു.
ഓണക്കാല റിലീസിന് ഒരുങ്ങുന്ന ‘ജമ്‌നാപ്യാരി’യുടെ സംവിധാനം നിര്‍വഹിച്ചിരിക്കുന്നത് തോമസ് സെബാസ്റ്റ്യനും, കഥയും തിരക്കഥയും രചിച്ചിരിക്കുന്നത് പി.ആര്‍. അരുണുമാണ്. ആര്‍ ജെ ക്രിയേഷന്‍സ് ബാനറില്‍ ജൈസണ്‍ ഇളംകുളമാണ് ചിത്രത്തിന്റെ നിര്‍മ്മാതാവ്.
ഇതിനോടകം തന്നെ ജമ്‌നാപ്യാരിയിലെ ഗാനങ്ങള്‍ ശ്രദ്ധേയമായി കഴിഞ്ഞു. Muzik247ന്റെ യൂട്യൂബ് ചാനലില്‍ ഗാനങ്ങള്‍ കേള്‍ക്കുവാന്‍ സാധിക്കും.
പ്രതികരിക്കാൻ ഇവിടെ എഴുതുക: