കൊച്ചി: ദന്തല്‍ ഡീലേഴ്‌സ് അസോസിയേഷന്‍ കേരള സംഘടിപ്പിക്കുന്ന ഏഴാമത് ദന്തല്‍ എക്‌സിബിഷന്‍ ‘ദന്തല്‍ എക്‌സ്‌പോ 2015’ 16, 17 തീയതികളില്‍ അങ്കമാലി അഡ്‌ലക്‌സ് കണ്‍വെന്‍ഷന്‍ സെന്ററില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ പറഞ്ഞു.
ശനിയാഴ്ച വൈകിട്ട് 7ന് മന്ത്രി കെ.ബാബു ഉദ്ഘാടനം നിര്‍വഹിക്കും. ദന്തല്‍ ചികിത്സാരംഗത്തെ നൂതന സാങ്കേതിക ഉപകരണങ്ങളും ഉല്പന്നങ്ങളുമായി ഇന്ത്യയിലേയും വിദേശത്തേയും വിവിധ കമ്പിനികള്‍ പ്രദര്‍ശനത്തില്‍ പങ്കാളികളാവും. പ്രമുഖ ദന്തല്‍ ഡോക്ടര്‍മാര്‍ പങ്കെടുക്കുന്ന സെമിനാറുകളും ദന്തല്‍ വിദ്യാര്‍ത്ഥികള്‍ക്കായുള്ള ക്വിസ് മത്സരങ്ങളും ഇതിന്റെ ഭാഗമായി നടക്കും.
ദന്തല്‍ വിദ്യാഭ്യാസ രംഗത്ത് മികവ് തെളിയിച്ച വിദ്യാര്‍ത്ഥികളേയും ദന്തല്‍ ട്രേഡിംഗ് രംഗത്ത് മികച്ച പ്രവര്‍ത്തനം നടത്തുന്ന ഡീലര്‍മാരേയും ആദരിക്കും. ദന്തല്‍ ഡീലേഴ്‌സ് അസോസിയേഷന്‍ കേരള പ്രസിഡന്റ് മണ്‍സൂണ്‍ അലി, ജോയിന്റ് സെക്രട്ടറി അനില്‍ പി.ഡി എന്നിവര്‍ പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: