കൊച്ചി : ഏറ്റവും കൂടുതല്‍ അവാര്‍ഡ് നേടിയിട്ടുള്ള ഫോര്‍ഡ് ഇക്കോ സ്‌പോര്‍ടിന് വീണ്ടും അംഗീകാരം. ജെഡി പവര്‍ ഏഷ്യാ പസിഫിക് ഇന്ത്യ ഇനിഷ്യല്‍ ക്വാളിറ്റി സ്റ്റഡിയില്‍ എസ്‌യുവി വിഭാഗത്തിലാണ് ഫോര്‍ഡ് ഇക്കോസ്‌പോര്‍ടിന് ഉയര്‍ന്ന റാങ്കിംഗ്. ആഗോളതലത്തില്‍ ഫോര്‍ഡ് ഇക്കോ സ്‌പോര്‍ടിന് 150,000 ഉടമകളാണുള്ളത്.
ഫോര്‍ഡ് ഇന്ത്യ പ്രസിഡന്റും മാനേജിംഗ് ഡയറക്ടറുമായ നിഗെല്‍ ഹാരീസും വൈസ് പ്രസിഡന്റ് രാജ് സര്‍ക്കാരും ചേര്‍ന്ന് അവാര്‍ഡ് ഏറ്റുവാങ്ങി ഫോര്‍ഡ് ഇക്കോ സ്‌പോര്‍ടിന് പുതിയ അംഗീകാരം ഉപഭോക്താക്കളോടുള്ള പ്രതിബദ്ധത വര്‍ധിപ്പിച്ചിരിക്കുകയാണെന്ന് നിഗെല്‍ ഹാരീസ് പറഞ്ഞു. 30-ലേറെ അവാര്‍ഡുകള്‍ നേരത്തെ ലഭിച്ചിട്ടുണ്ട്.
2013 നവംബറിനും 2014 ജൂലായ് മാസത്തിനും ഇടയ്‌ക്ക് പുതിയ വാഹനങ്ങള്‍ വാങ്ങിയ 8429 വാഹന ഉടമകളില്‍ നിന്നാണ് ഇന്ത്യ ഇനിഷ്യല്‍ ക്വാളിറ്റി സ്റ്റഡി നടത്തിയത്. 17 നിര്‍മാണക്കമ്പനികളില്‍ നിന്നുള്ള 73 വാഹന മോഡലുകളാണ് പഠന വിധേയമാക്കിയത്. ഇന്ത്യയിലെ 30 നഗരങ്ങള്‍ 2014 മേയ്-സെപ്തംബര്‍ മാസങ്ങളിലാണ് പഠനം നടത്തിയത്.
പ്രതികരിക്കാൻ ഇവിടെ എഴുതുക: