ഹരിപ്പാട്: ബൈക്കുകള്‍ വില്‍നടത്തുന്ന ഷോറൂമില്‍ മോഷണശ്രമം. ദേശീയപാതയില്‍ ഹരിപ്പാട് തെക്കേനടയില്‍ പ്രവര്‍ത്തിക്കുന്ന അശ്വതി മോട്ടോഴ്‌സ് എന്ന സ്ഥാപനത്തിലാണ് മോഷണ ശ്രമം നടന്നത്. കഴിഞ്ഞ ദിവസം രാത്രിയാണ് സംഭവം. ഷോറൂമിന്റെ മുന്‍ഭാഗത്തെ ഷട്ടറിന്റെ താഴു ഇരുമ്പ് പാര കൊണ്ട് പൊളിച്ച ശേഷം ഷട്ടറുകള്‍ ഉയര്‍ത്താന്‍ നടത്തിയ ശ്രമം പരാജയപ്പെട്ടതിനെ തുടര്‍ന്ന് ഷട്ടറിന്റെ ഒരു വശത്ത് ഇഷ്ടിക ചരിച്ചു വെച്ച ശേഷമാണ് മോഷ്ടാക്കള്‍ കടക്കുള്ളില്‍ പ്രവേശിച്ചത്. അകത്ത് കയറിയ സംഘം മേശ, അലമാരകളുടെ പൂട്ടുകള്‍ കുത്തിപൊളിച്ചു.തുറന്ന് നോക്കിയെങ്കിലും ഫയലുകള്‍ മാത്രമേ ഉണ്ടായിരുന്നുള്ളു. ഇന്നലെ രാവിലെ ഷോറൂമില്‍ ബൈക്ക് സര്‍വ്വീസിനായി എത്തിയവരാണ് മോഷണവിവരം കടയുടമ കുമാരപുരം സ്വദേശി അനില്‍കുമാറിനെ വിവരം അറിയിച്ചത്. പൂട്ട് പൊളിക്കാന്‍ ഉപയോഗിച്ചതായി സംശയിക്കുന്ന ഇരുമ്പ് പാരയും കമ്പികളും ഹരിപ്പാട് പോലീസ് കണ്ടെടുത്തു.
Friday, November 29, 2024
വാഹന ഷോറൂമില്‍ മോഷണ ശ്രമം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: