ഇന്‍സുലേറ്റ് ലോറി കാക്കാഴം പാലത്തിന്റെ കൈവരികളില്‍ ഇടിച്ച് മറിഞ്ഞപ്പോള്‍
അമ്പലപ്പുഴ: മത്സ്യംകയറ്റി വന്ന ഇന്‍സുലേറ്റ് ലോറി പാലത്തിന്റെ കൈവരികളില്‍ ഇടിച്ച് മറിഞ്ഞ് ഡ്രൈവര്‍ക്ക് പരിക്ക്. ഇയാളെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. കരുനാഗപ്പളളി വലിയ അഴീക്കല്‍ പാണ്ടകശാലവീട്ടില്‍ സദാനന്ദന്റെ മകന്‍ സജിത്തി (38)നെയാണ് ഗുരുതരാവസ്ഥയില്‍ വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. കഴിഞ്ഞദിവസം പുലര്‍ച്ചെ രണ്ടരയോടെ കാക്കാഴം മേല്‍പാലത്തിലായിരുന്നു അപകടം.
കാക്കാഴം മേല്‍ പാലത്തിന്റെ വടക്കുഭാഗത്തെ കൈവരികളില്‍ ഇടിച്ച ലോറി നിയന്ത്രണം വിട്ട് മറിയുകയായിരുന്നു. ആലപ്പുഴ എആര്‍ ക്യാമ്പില്‍ നിന്ന് ക്രെയിന്‍ എത്തിച്ച് രക്ഷാപ്രവര്‍ത്തനം നടത്തി ഡ്രൈവര്‍ സജിത്തിനെ ആശുപത്രിയില്‍ എത്തിക്കുകയായിരുന്നു. ഇരുകാലുകളും ഒടിഞ്ഞ ഇയാള്‍ ഗുരുതരാവസ്ഥ തരണം ചെയ്തിട്ടില്ല.
പ്രതികരിക്കാൻ ഇവിടെ എഴുതുക: