ഇടുക്കി : സംസ്ഥാന സീനിയര്‍ കബഡി ചാമ്പ്യന്‍ഷിപ്പ് 10,11,12 തിയ്യതികളില്‍ അണക്കര സെന്റ് തോമസ് ഫൊറോനാ പള്ളി ഫ്‌ലഡ്‌ലിറ്റ് സ്റ്റേഡിയത്തില്‍ നടക്കും. പുരുഷവനിത കബഡി ചാമ്പ്യന്‍ഷിപ്പാണ് സംഘടിപ്പിച്ചിരിക്കുന്നത്.
സംസ്ഥാനത്തെ 14 ജില്ലകളില്‍ നിന്നുള്ള പുരുഷ വനിതാ താരങ്ങളാണ് ചാമ്പ്യന്‍ഷിപ്പില്‍ പങ്കെടുക്കുന്നത്. 500ല്‍പ്പരംതാരങ്ങളും 100ല്‍പ്പരം സംസ്ഥാനജില്ലാ കബഡി അസോസിയേഷന്‍ ഭാരവാഹികളും ഓഫീസേഴ്‌സും പങ്കെടുക്കുന്ന ചാമ്പ്യന്‍ഷിപ്പിന്റെ വിജയകരമായ നടത്തിപ്പിനായുള്ള സ്വാഗത സംഘം ഓഫീസ് ഉദ്ഘാടനം ചക്കുപള്ളം ഗ്രാമപ്പഞ്ചായത്ത് പ്രസിഡന്റ് ആന്റണി കുഴിക്കാട്ടും സമ്മാനകൂപ്പണ്‍ പദ്ധതിയുടെ വിതരണോദ്ഘാടനം ജില്ലാ കബഡി അസോസിയേഷന്‍ പ്രസിഡന്റ് ഡേവിഡ് തോമസും നിര്‍വഹിച്ചു. സെക്രട്ടറി രമേശ് കുമാര്‍ അണക്കര, വൈസ് പ്രസിഡന്റ് മനോജ് മുരളി, പ്രോഗ്രാം കമ്മിറ്റി കണ്‍വീനര്‍ സാബു കുറ്റിപ്പാലക്കല്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: