കൊച്ചി: ധര്‍മപ്രവാചകന്‍ തഥാതന്റെ നേതൃത്വത്തില്‍ പാലക്കാട്‌ കിണാശ്ശേരിയില്‍ നടക്കുന്ന ധര്‍മസൂയമഹായാഗത്തിന്‌ മുന്നോടിയായി ധര്‍മജ്യോതിയും വഹിച്ചുകൊണ്ടുള്ള വാഹനയാത്രക്ക്‌ ജില്ലയില്‍ ഭക്തിനിര്‍ഭരമായ വരവേല്‍പ്പ്‌ നല്‍കി. പറവൂര്‍ പെരുവാണം മഹാദേവക്ഷേത്രത്തില്‍ എത്തിച്ചേര്‍ന്ന രഥയാത്രയെ എ. രാജേന്ദ്രപ്രസാദ്‌, കെ. സത്യന്‍മാസ്റ്റര്‍, കെ.എന്‍. പ്രസന്നചന്ദ്രന്‍, ടി. സനല്‍കുമാര്‍, ജി. രാമചന്ദ്രന്‍ എന്നിവര്‍ സ്വീകരിച്ചു.
കലൂര്‍ പാവക്കുളം മഹാദേവ ക്ഷേത്രസന്നിധിയില്‍ സ്വാമി ചിദാനന്ദപുരി, സ്വാമി പ്രഭാകരാനന്ദസരസ്വതി, സ്വാമി പ്രശാന്താനന്ദസരസ്വതി, കുമ്മനം രാജശേഖരന്‍, എ. ഗോപാലകൃഷ്ണന്‍, എന്‍.ആര്‍. സുധാകരന്‍, ബി.ആര്‍. ബാലരാമന്‍, കെ.എ.എസ്‌. പണിക്കര്‍, പി. മാധവന്‍കുട്ടി, എം.സി. വല്‍സന്‍, സി.ജി. രാജഗോപാല്‍ എന്നിവരുടെ നേതൃത്വത്തില്‍ സ്വീകരണം നല്‍കി.
എറണാകുളം ശിവക്ഷേത്ര സന്നിധിയില്‍ പി. രാമചന്ദ്രന്‍, ഇ.എന്‍. നന്ദകുമാര്‍, പി. രാമനാരായണന്‍, വിശ്വനാഥന്‍. കെ, പുലിയന്നൂര്‍ പ്രശാന്ത്‌ നാരായണന്‍ നമ്പൂതിരി എന്നിവരും തൃപ്പൂണിത്തുറ പൂര്‍ണത്രയീശ ക്ഷേത്രത്തില്‍ രമേശ്‌ ലക്ഷ്മണന്‍. വി, നവീന്‍ ശിവന്‍ എന്‍.എസ്‌, ജയചന്ദ്രന്‍ എന്നിവരും മൂവാറ്റുപുഴ വെള്ളൂര്‍ക്കുന്നം മഹാദേവ ക്ഷേത്രസന്നിധിയില്‍ ഗോപകുമാര്‍ കെ.എ, എം.ബി. അപ്പു, പി.കെ. രാധാകൃഷ്ണന്‍, എസ്‌. അന്നലക്ഷ്മി എന്നിവരുടെ നേതൃത്വത്തിലും സ്വീകരണം നല്‍കി. ഇന്ന്‌ ധര്‍മ്മയാന പ്രയാണം തൊടുപുഴ വഴി ഇടുക്കി ജില്ലയില്‍ പ്രവേശിക്കും. കര്‍ണാടക-കേരള-തമിഴ്‌നാട്‌ സംസ്ഥാനങ്ങളിലൂടെ പര്യടനം നടത്തുന്ന യാത്ര ഫെബ്രുവരി രണ്ടിന്‌ പാലക്കാട്‌ യാഗഭൂമിയില്‍ പ്രവേശിക്കും. മൈത്രി ശാലനി, മൈത്രി ആനന്ദകുമാര്‍. ഇ എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: