കൊച്ചി : ന്യൂയോര്‍ക്‌ ആസ്ഥാനമായ സെയിലം ഇന്‍കോര്‍പറേറ്റഡിന്റെ പൂര്‍ണ ഉടമസ്ഥതയിലുള്ള സബ്സിഡിയറിയായ സെയിലം വാട്ടര്‍ സൊല്യൂഷന്‍സ്‌ ഇന്ത്യ പ്രൈവറ്റ്‌ ലിമിറ്റഡ്‌ കേരളത്തില്‍ പ്രവര്‍ത്തനം വിപുലമാക്കുന്നു. ഇതിന്റെ ഭാഗമായി കൊച്ചിയിലെ പ്രോ വാട്ടേഴ്സിനെ കമ്പനിയുടെ സംസ്ഥാനത്തെ ചാനല്‍ പങ്കാളിയായിനിയമിച്ചിട്ടുണ്ട്‌.
ജലവുമായി ബന്ധപ്പെട്ട പമ്പിങ്‌, പ്ലമ്പിങ്‌, ജല നിര്‍മാര്‍ജനം, ജലസേചനം, മലിന ജല സംസ്കരണം, വൈദ്യുതി തുടങ്ങിയ മേഖലകളില്‍ പ്രവര്‍ത്തിക്കുന്ന സെയിലം അടിസ്ഥാന സൗകര്യ വികസനം, കെട്ടിട നിര്‍മാണം, ജലസേചനം എന്നീ രംഗങ്ങളില്‍ മുന്നേറ്റം കാഴ്ച വച്ചുകൊണ്ടിരിക്കുന്ന കേരളത്തില്‍ മികച്ച അവസരമാണ്‌ കാണുന്നതെന്ന്‌ സെയിലം ഇന്ത്യ മാനേജിങ്‌ ഡയറക്ടര്‍ സാം യാംദാഗ്നി പറഞ്ഞു. കെട്ടിട നിര്‍മാണ രംഗത്ത്‌ അവശ്യം വേണ്ട ഡീവാട്ടറിങ്‌ മേഖലകളില്‍ കമ്പനിക്ക്‌ കാര്യക്ഷമമായി പ്രവര്‍ത്തിക്കാനാവും.
പ്രതികരിക്കാൻ ഇവിടെ എഴുതുക: