തൃശൂര്: പൂരത്തിന് മുന്നോടിയായി പാറമേക്കാവ് ദേവസ്വത്തിന്റെ വെടിക്കെട്ട് ശാലയില് പരിശോധന നടത്തിയതില് നിരോധിത സ്ഫോടക വസ്തുക്കള് കണ്ടെത്തിയില്ല.സാമ്പിളുകളുടെ രാസപരിശോധനയിലാണ് ഇക്കാര്യം വ്യക്തമായത്. മുണ്ടത്തിക്കോട് വെടിപ്പുര ദുരന്ത പശ്ചാത്തലത്തില് ആണ് പരിശോധന നടന്നത്.
നിരോധിത സ്ഫോടക വസ്തുക്കളില്ലെന്ന് കണ്ടെത്തിയെങ്കിലും,അനുവദിച്ചതിലും കൂടുതല് അളവില് വെടിക്കെട്ട് സാമഗ്രികള് സൂക്ഷിച്ചെന്ന കേസ് തുടരും.മുതലമടയിലെ വെടിമരുന്ന് നിര്മ്മാണശാലയില് നിന്ന് പിടിച്ചെടുത്ത അധിക സാമഗ്രികള് ഉടന് മാറ്റാനും അവ സുരക്ഷിതമായി നിര്വീര്യമാക്കാനും അധികൃതര് നടപടി തുടങ്ങി.2000 കിലോ വെടിമരുന്ന് സൂക്ഷിക്കാനാണ് അനുമതിയുള്ളതെങ്കിലും അതിലുമേറെ മരുന്ന് ഇവിടെ കണ്ടെത്തി.
അതേമയം, ലൈസന്സിക്കെതിരെ കേസെടുത്തത് തൃശൂര് പൂരം തകര്ക്കാനുള്ള നീക്കത്തിന്റെ ഭാഗമാണെന്ന് പാറമേക്കാവ് ദേവസ്വം സെക്രട്ടറി ജി. രാജേഷ് ആരോപിച്ചു. ചര്ച്ചയ്ക്ക് തൊട്ടുമുമ്പ് കേസെടുത്തത് വേട്ടയാടലാണെന്നാണ് ആക്ഷേപം. അതിനിടെ, മുണ്ടത്തിക്കോട് ദുരന്ത പശ്ചാത്തലത്തില് സര്ക്കാര് വിളിച്ചുചേര്ത്ത യോഗത്തില് പൂരത്തിന് കടുത്ത നിയന്ത്രണങ്ങള് ഏര്പ്പെടുത്തിയിരുന്നു. സാമ്പിള്, പ്രധാന പൂര വെടിക്കെട്ടുകള് ഉള്പ്പെടെ എല്ലാം ഒഴിവാക്കിയിരുന്നു. കുടുമാറ്റം ഒരു മണിക്കൂറില് നിന്ന് 15 മിനിറ്റായി ചുരുക്കി. ഇലഞ്ഞിത്തറ മേളവും മഠത്തില് വരവും പഞ്ചവാദ്യവും മുറ പ്രകാരം നടക്കും. എട്ട് ഘടക പൂരങ്ങളും ചടങ്ങ് പാലിച്ച് നടക്കും.
