ന്യൂദല്ഹി: ഇന്ത്യയില് പഞ്ചാബിനെ ഖലിസ്ഥാന് എന്ന പ്രത്യേക രാജ്യമാക്കി മാറ്റണമെന്ന ഖലിസ്ഥാന് നേതാവ് ഗുര് പത് വന്ത് സിങ്ങ് പന്നുന്റെ ആവശ്യം തള്ളി വിദേശ കാര്യ ചുമതല കൂടിയുള്ള കാനഡയിലെ ഡപ്യൂട്ടി മന്ത്രി ഡേവിഡ് മോറിസന്.ഇന്ത്യയുടെ പരാമധികാരത്തെ ചോദ്യം ചെയ്യാനാവില്ലെന്നായിരുന്നു അദ്ദേഹത്തിന്റെ പ്രതികരണം. ഇന്ത്യയുടെ അഖണ്ഡത ഉയര്ത്തിപ്പിടിക്കുമെന്നത് തന്നെയാണ് കാനഡയുടെ നയമെന്നും അദ്ദേഹം പറഞ്ഞു.
ഇതോടെ സിഖ് സ് ഫോര് ജസ്റ്റിസ് എന്ന ഖലിസ്ഥാന് സംഘടനയുടെ നേതാവായ ഗുര്പത് വന്ത് സിങ്ങ് പന്നുന് കൂടുതല് കോപാകുലനായിക്കൊണ്ട് ഇന്ത്യയ്ക്കെതിരെ ഒരു വീഡിയോ പുറത്തിറക്കുകയായിരുന്നു.
ഇന്ത്യയില് മണിപ്പൂര്, അസം, കശ്മീര്, നാഗാലാന്റ് എന്നിവിടങ്ങളില് വിഘടനവാദ ശക്തികളെ വളര്ത്തുമെന്നും ഇന്ത്യയെ തുണ്ടം തുണ്ടമാക്കി മാറ്റുമെന്നും ഗുര്പന്ത് വന്ത് സിങ്ങ് പന്നുന് ആ വീഡിയോയില് ഭീഷണിപ്പെടുത്തുന്നു. മാത്രമല്ല, ചൈനയോട് ഇന്ത്യയെ ആക്രമിച്ച് അരുണാചല് പ്രദേശിനെ മുറിച്ചെടുത്ത് സ്വന്തമാക്കാനും പന്നുന് ആവശ്യപ്പെട്ടു.
ഇപ്പോഴത്തെ ഇന്ത്യയുടെ അതിര്ത്തി മാറ്റി വരയ്ക്കുമെന്നും 2047ല് ഇന്ത്യയെ നോണ് ഇന്ത്യയാക്കി മാറ്റുമെന്നും പന്നുന് പറഞ്ഞു.
