ഒൻ്റാറിയോ : കാനഡയിൽ ഹിന്ദു സമൂഹത്തിനും ക്ഷേത്രങ്ങൾക്കും നേരെ ആക്രമണങ്ങൾ രൂക്ഷമാകുന്നു. കഴിഞ്ഞ ദിവസം എഡ്മണ്ടണിൽ ഹിന്ദു ക്ഷേത്രം ഗ്രാഫിറ്റി എഴുതി വികൃതമാക്കി. കാനഡയിലെ എഡ്മണ്ടണിൽ ഒരു ഹിന്ദു ക്ഷേത്രത്തിന്റെ ചുവരുകളിൽ ഗ്രാഫിറ്റി വരച്ച് ഉപയോഗിച്ച് നശിപ്പിച്ചതായി അധികൃതർ അറിയിച്ചു.
സംഭവത്തെ തുടർന്ന് കാനഡയിലെ വിശ്വഹിന്ദു പരിഷത്ത് ഇതിനെ അപലപിക്കുകയും വളർന്നുവരുന്ന തീവ്രവാദ ആശയങ്ങൾക്കെതിരെ പ്രവർത്തിക്കാൻ കാനഡ സർക്കാരിനോട് ആവശ്യപ്പെടുകയും ചെയ്തു.
എഡ്മണ്ടനിലെ ബാപ്സ് മന്ദിറിലെ ഹിന്ദുഫോബിക് ഗ്രാഫിറ്റി നശീകരണ പ്രവർത്തനങ്ങളെ വിഎച്ച്പി കാനഡ ശക്തമായി അപലപിക്കുന്നതായി സംഘടന പറഞ്ഞു.
നമ്മുടെ രാജ്യത്ത് സമാധാനം ഇഷ്ടപ്പെടുന്ന ഹിന്ദു സമൂഹത്തിനെതിരെ വിദ്വേഷം വളർത്തുന്ന തീവ്രവാദ പ്രത്യയശാസ്ത്രത്തിനെതിരെ നിർണ്ണായകമായി പ്രവർത്തിക്കാൻ ഞങ്ങൾ കാനഡയിലെ എല്ലാ തലങ്ങളോടും അഭ്യർത്ഥിക്കുന്നുവെന്നും അവർ വ്യക്തമാക്കി.
ഖാലിസ്ഥാനി വിഘടനവാദികൾ സമീപകാലത്ത് ഇത്തരത്തിൽ ചുവരെഴുത്തുകളാൽ ഒരു ക്ഷേത്രം വികൃതമാക്കുന്നത് ഇത് ആദ്യ സംഭവമല്ല.
ഖാലിസ്ഥാൻ ഭീകരൻ ഹർദീപ് സിംഗ് നിജ്ജാറിന്റെ മരണത്തിന് ശേഷം ഖാലിസ്ഥാൻ അനുകൂലികൾ ഇന്ത്യാ വിരുദ്ധ പ്രവർത്തനങ്ങൾ വർധിപ്പിച്ചിരിക്കുകയാണ്.
