തൃശൂര്‍: ഇന്ത്യന്‍ ബാസ്‌കറ്റ്‌ബോള്‍ താരം ജീന സ്‌കറിയ പി.എസ്. വിവാഹിതയായി. ചാലക്കുടി മേലൂര്‍ സ്വദേശിയായ ജാക്‌സണ്‍ സി ജോണ്‍സാണ് വരന്‍. മേലൂര്‍ സെന്റ് ജോഫസ് ചര്‍ച്ചിലായിരുന്നു വിവാഹം.
പടിഞ്ഞാറേത്തറ ജോസഫിന്റെയും ലിസിയുടെയും മകളായ ജീന 2018-19 സീസണില്‍ ഓസ്‌ട്രേലിയന്‍ എന്‍.ബി.എല്‍ ഒന്ന് ലീഗില്‍ കളിച്ച താരമാണ്. ഗീതാ അന്ന രാഹുലിന്‌ശേഷം ഈ ലീഗില്‍ കളിക്കുന്ന രണ്ടാമത്തെ ഇന്ത്യന്‍ വനിതാ താരമാണ്. മൂന്ന് തവണ ഇന്ത്യന്‍ ടീമിന്റെ ക്യാപ്റ്റനായി. 2019 ല്‍ നേപ്പാളില്‍ നടന്ന സാഫ് ഗെയിംസ്, 2017-18 മലേഷ്യയില്‍ നടന്ന ഒളിമ്പിക് പ്രീ ക്വാളിഫയേഴ്‌സ്, 2018 ലെ ഏഷ്യന്‍ ഗെയിംസ് എന്നിവയാണ് ജീന ഇന്ത്യയെ നയിച്ചത്.
വരന്‍ ജാക്‌സണ്‍ സി ജോണ്‍സണ്‍ ചാലക്കുടി മാളിയേക്കല്‍ ചേറ്റക്കല്‍ വീട്ടില്‍ ഷീബ ജോണ്‍സണിന്റെയും പരേതനായ സി.ഡി. ജോണ്‍സണിന്റെയും മകനാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: