ട്രാക്ടര്‍ ഡ്രൈവിംഗ് പരിശീലനം

കാസര്‍കോട്: കേരള അഗ്രോ ഇന്‍ഡസ്ട്രീസ് കോര്‍പ്പറേഷന്റെ അരിമ്പൂരിലുളള പരിശീലന കേന്ദ്രത്തില്‍ കര്‍ഷകര്‍ക്കും സ്വയംതൊഴില്‍ അന്വേഷകര്‍ക്കും അനുയോജ്യമായി രൂപകല്‍പ്പന ചെയ്തിട്ടുളള രണ്ടുമാസത്തെ കാര്‍ഷികയന്ത്രങ്ങളുടെ പ്രവര്‍ത്തനവും അവയുടെ പരിചരണവും എന്ന പ്രായോഗിക പരിശീലന പരിപാടിയിലേക്ക് അപേക്ഷ ക്ഷണിച്ചു. അപേക്ഷകര്‍ കുറഞ്ഞത് എട്ടാം ക്ലാസ് പാസ്സായവരും 18 നു മുകളില്‍ പ്രായമുളളവരുമായിരിക്കണം. കോഴ്‌സ് ഫീ 6,050 രൂപ. താല്‍പ്പര്യമുളളവര്‍ കോഴ്‌സ് ഫീ അടക്കം ഡിവിഷണല്‍ എഞ്ചിനീയര്‍ കെഎഐസി അരിമ്പൂര്‍, തൃശ്ശൂര്‍ -680620 എന്ന വിലാസത്തില്‍ 28 നകം അപേക്ഷിക്കണം. നവംബര്‍ ഒന്നിന് പരിശീലനം തുടങ്ങും. പരിശീലനത്തിന് ഒടുവില്‍ നിബന്ധനകള്‍ക്ക് വിധേയമായി ട്രാക്ടര്‍ ഓടിക്കുന്നതിനുളള ലൈസന്‍സും കോഴ്‌സ് സര്‍ട്ടിഫിക്കറ്റും ലഭിക്കുവാന്‍ സൗകര്യമുണ്ടായിരിക്കും. കൂടുതല്‍ വിവരങ്ങള്‍ക്ക് 0487 2310983.