കണ്ണൂര്‍: കേരള സ്റ്റേറ്റ് ഗവണ്‍മെന്റ് ആയുര്‍വ്വേദ മെഡിക്കല്‍ ഓഫീസേഴ്‌സ് അസോസിയേഷന്റെ 35ാം സംസ്ഥാന സമ്മേളനം 11, 12 തീയ്യതികളില്‍ കണ്ണൂരില്‍. ഡോ.പി.എം.സദാശിവന്‍ നഗറിലാണ്((കണ്ണൂര്‍ ഹോട്ടല്‍ ബ്ലൂ നൈല്‍) സമ്മേളനം. 11 ന് ഉച്ചക്ക് 2 മണിക്ക് പൊതുജനാരോഗ്യവും ആയുര്‍വേദവും-മാധ്യമങ്ങളുടെ പങ്ക് എന്ന മാധ്യമസെമിനാറോടെ സമ്മേളനം ആരംഭിക്കും.
കെ.കെ.രാഗേഷ് എംപി സമ്മേളനം ഉദ്ഘാടനം ചെയ്യും. 12 ന് രാവിലെ 10.30 ന് പ്രതിനിധി സമ്മേളനം ആരോഗ്യമന്ത്രി കെ.കെ. ശൈലജ ഉദ്ഘാടനം ചെയ്യും. മന്ത്രി കടന്നപ്പളളി രാമചന്ദ്രന്‍ മുഖ്യപ്രഭാഷണം നടത്തും. കോര്‍പ്പറേഷന്‍ മേയര്‍ ഇ.പി.ലത മുഖ്യാതിഥിയായി പങ്കെടുക്കും. മികച്ച ആയുര്‍വ്വേദ അധ്യാപകനുളള പ്രഥമ ദേശീയപുരസ്‌ക്കാരം നേടിയ ഡോ.എസ്.ഗോപകുമാറിനെ ചടങ്ങില്‍ ആദരിക്കും.ഉച്ചക്ക് 2 മണിക്ക് ശാസ്ത്ര സെമിനാര്‍ ടി.വി.രാജേഷ് എംഎല്‍എ ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: