കോഴിക്കോട്: പ്രശസ്ത മലയാള സാഹിത്യകാരന് അക്ബര് കക്കട്ടില് (62) അന്തരിച്ചു.അര്ബുദ രോഗത്തെ തുടര്ന്ന് കഴിഞ്ഞ ഒരാഴ്ച്ചയായി കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു. ഇന്ന് പുലര്ച്ച അഞ്ചു മണിയോടെയാണ് അന്ത്യം. മൃതദേഹം രാവിലെ ഒന്പത് മുതല് 12 വരെ കോഴിക്കോട് ടൗണ് ഹാളില് പൊതുദര്ശനത്തിനു വയ്ക്കും. സംസ്കാരം ഇന്ന് വൈകിട്ട് അഞ്ചു മണിക്ക് കക്കട്ടില് കണ്ടോത്തുകുനി ജുമാ മസ്ജിദില് നടക്കും.
1954 ജൂലൈ ഏഴിന് പി അബ്ദുള്ളയുടേയും സികെ കുഞ്ഞാമിനയുടേയും മകനായാണ് അക്ബറിന്റെ ജനനം. പാറയില് എല്.പി വട്ടോളി സംസ്കൃത സെക്കന്റരി സ്കൂള്, ഫറൂഖ് കോളേജ്, മടപ്പള്ളി ഗവ. ബ്രണ്ണന് കോളേജിലുമായി വിദ്യാഭ്യാസം. കഥ, നോവല്, ഉപന്യാസം എന്നീ വിഭാഗങ്ങളിലായി നിരവധി കൃതികള് രചിച്ചിട്ടുണ്ട് അക്ബര്.
ശമീല ഫഹ്മി, അദ്ധ്യാപക കഥകള്, ആറാം കാലം, നാദാപുരം, മൈലാഞ്ചിക്കാറ്റ്, 2011ലെ ആണ്കുട്ടി, ഇപ്പോള് ഉണ്ടാകുന്നത്, തിരഞ്ഞെടുത്ത കഥകള്, പതിനൊന്ന് നോവലൈറ്റുകള്, മൃത്യുയോഗം, സ്െ്രെതണം,വടക്കു നിന്നൊരു കുടുംബവൃത്താന്തം, സ്കൂള് ഡയറി, സര്ഗസമീക്ഷ, വരൂ, അടൂരിലേയ്ക്ക് പോകാം തുടങ്ങിയവയാണ് പ്രധാന കതികള്.
രണ്ടുതവണ കേരളസാഹിത്യ അക്കാദമി അവാര്ഡ് ലഭിച്ചു. 1998ല് മികച്ച നോവലിന് (സ്െ്രെതണം) ജോസഫ് മുശ്ശേരി അവാര്ഡും 2000 ല് മികച്ച കഥാകൃത്തിനുള്ള സംസ്ഥാന ടെലിവിഷന് അവാര്ഡും ലഭിച്ചു. 1992ല് സാഹിത്യത്തിനുള്ള ഇന്ത്യാ ഗവണ്മെന്റിന്റെ ഫെലോഷിപ്പ് ലഭിച്ചു.
കേന്ദ്രസര്ക്കാരിന്റെ സൗത്ത്സോണ് കള്ച്ചറല് സെന്റര്, സംസ്ഥാന ബാലസാഹിത്യ ഇന്സ്റ്റിറ്റിയൂട്ട് എന്നിവയുടെ ഗവേണിംഗ് ബോഡികള്, കരിക്കുലം സ്റ്റിയറിങ് കമ്മിറ്റി, സംസ്ഥാന ടെലിവിഷന് ജൂറി, സിനിമാ ജൂറി, കോഴിക്കോട് ആകാശവാണിയുടെ പ്രോഗ്രാം അഡ്വൈസറി ബോര്ഡ്, പ്രഥമ എഡ്യൂക്കേഷണല് റിയാലിറ്റി ഷോയായ ഹരിത വിദ്യാലയ’ത്തിന്റെ പര്മനന്റ് ജൂറി, കേരള ലളിതകലാ അക്കാദമി, കേന്ദ്ര സാഹിത്യ അക്കാദമി മലയാളം ഉപദേശക സമിതി എന്നിവയില് അംഗമായി പ്രവര്ത്തിച്ചിട്ടുണ്ട്.
കോഴിക്കോട് മലയാളം പബ്ലിക്കേഷന്സിന്റെയും ഒലീവ് പബ്ലിക്കേഷന്സിന്റെയും ഓണററി എഡിറ്ററായും സേവനമനുഷ്ഠിച്ചിട്ടുണ്ട്. കേരളസാഹിത്യ അക്കാദമിയുടെ പ്രസിദ്ധീകരണ വിഭാഗം കണ്വീനറുമായിരുന്നു. കേരള സാഹിത്യ അക്കാദമി വൈസ് പ്രസിഡന്റുമായിരുന്നു അദ്ദേഹം.
പ്രതികരിക്കാൻ ഇവിടെ എഴുതുക: