ചിന്മയമിഷന്റെ ആഭിമുഖ്യത്തില്‍ ശിവരാത്രി ആഘോഷവും ജ്ഞാനയജ്ഞവും

ആലപ്പുഴ: ശിവരാത്രി മഹോത്സവത്തോട് അനുബന്ധിച്ച് ആലപ്പുഴ ചിന്മയ മിഷന്റെ ആഭിമുഖ്യത്തില്‍ പഴവീട് ചിന്മയ മിഷന്‍ കേന്ദ്രത്തില്‍ ശിവരാത്രി ജ്ഞാനയജ്ഞവും മഹാശിവരാത്രി ആഘോഷവും സംഘടിപ്പിക്കും. ഫെബ്രുവരി 10 മുതല്‍ 16 വരെ രാവിലെ 10 മുതല്‍ 12 വരെ ശിവാരാധനയിലെ സുപ്രധാനമായ മന്ത്രങ്ങളടങ്ങിയ ശ്രീരുദ്രം, ചമകം എന്നിവയുടെ പഠന യജ്ഞങ്ങള്‍ നടത്തും. ആലപ്പുഴ ചിന്മയ മിഷനിലെ ബ്രഹ്മചാരി ധ്രുവചൈതന്യയാണ് യജ്ഞാചാര്യന്‍. ഇതിനോടനുബന്ധിച്ച് ശ്രീരുദ്രം, ചമകം എന്നിവ ജപിക്കുന്നതിനുള്ള പരിശീലനവും നല്‍കും. മഹാശിവരാത്രി ദിവസമായ 17ന് രാവിലെ ഏഴിന് സഹസ്രനാമജപം, ശ്രീരുദ്രജപം, പൂജ, അഭിഷേകം, അര്‍ച്ചന, പഞ്ചാക്ഷരി മന്ത്രജപം എന്നിവ നടക്കും. വൈകിട്ട് ആറിന് ഭസ്മ നിര്‍മ്മാണം, ഭജന, സത്‌സംഗ് എന്നിവ നടത്തും.