ശരീരസൗന്ദര്യ മത്സരം; ആലപ്പി ജിമ്മിന് ചാമ്പ്യന്‍ഷിപ്

ആലപ്പുഴ: ബോഡി ബില്‍ഡേഴ്‌സ് ആന്‍ഡ് ഫിറ്റ്‌നസ് അസോസിയേഷന്റെ ആഭിമുഖ്യത്തില്‍ ജില്ലാ ബോഡി ബില്‍ഡിങ് മത്സരത്തില്‍ 26 പോയിന്റ് നേടി ആലപ്പി ജിം ടീം ചാമ്പ്യന്‍ഷിപ് കരസ്ഥമാക്കി. 21 ജിംനേഷ്യങ്ങളില്‍ നിന്നായി 150 കായികതാരങ്ങള്‍ പങ്കെടുത്തു. സബ് ജൂനിയര്‍ മിസ്റ്റര്‍ ആലപ്പിയായി ഭാരത് ഫിറ്റ്‌നസ് സെന്ററിലെ അനീഷ് ജോയിയെയും ജൂനിയര്‍ മിസ്റ്റര്‍ ആലപ്പിയായി ആലപ്പി ജിമ്മിലെ പി.എസ്. നോബിളിനെയും സീനിയര്‍ മിസ്റ്റര്‍ ആലപ്പിയായി ഏദന്‍സ് ജിമ്മിലെ എ.കെ. അമലിനെയും മാസ്‌റ്റേഴ്‌സ് മിസ്റ്റര്‍ ആലപ്പിയായി മുരളി ഫിറ്റ്‌നസിലെ സതീഷ്‌കുമാറിനെയും മെഡല്‍ ഫിസിക്കായി റോബിന്‍സ് ഫിറ്റ്‌നസിലെ സിറിള്‍ ജോര്‍ജിനെയും തെരഞ്ഞെടുത്തു. മത്സരങ്ങള്‍ കെ.സി. വേണുഗോപാല്‍ എംപി ഉദ്ഘാടനം ചെയ്തു. നഗരസഭാദ്ധ്യക്ഷ മേഴ്‌സി ഡയാന മാസിഡോ അദ്ധ്യക്ഷത വഹിച്ചു. ഡപ്യൂട്ടി കമാന്‍ഡന്റ് ഐവാന്‍ രത്തിനം സമ്മാനദാനം നിര്‍വഹിച്ചു. 24, 25 തീയതികളില്‍ കണ്ണൂരില്‍ നടക്കുന്ന സംസ്ഥാന മത്സരത്തിനുള്ള ആലപ്പി ടീമിനെ തെരഞ്ഞെടുത്തു.