കണ്ണൂര്‍: നിരോധനാജ്ഞ ലംഘിച്ച് കണ്ണൂരില്‍ എസ്.പി ഓഫീസിലേക്ക് മാര്‍ച്ച് നടത്തിയ സി.പി.എം നേതാക്കള്‍ക്കെതിരെ പോലീസ് കേസെടുത്തു. സി.പി.എം കേന്ദ്ര കമ്മിറ്റി അംഗം പി.കെ.ശ്രീമതി, സംസ്ഥാന കമ്മിറ്റി അംഗം എം.വി.ജയരാജന്‍ എന്നിവര്‍ക്കും മാര്‍ച്ചില്‍ പങ്കെടുത്ത 250ഓളം പേര്‍ക്കെതിരെയാണ് കണ്ണൂര്‍ ടൗണ്‍ പോലീസ് കേസെടുത്തത്.
ഷുക്കൂര്‍ വധക്കേസില്‍ സി.പി.എം കണ്ണൂര്‍ ജില്ലാ സെക്രട്ടറി പി.ജയരാജനെ അറസ്റ്റ് ചെയ്തതില്‍ പ്രതിഷേധിച്ചാണ് ബുധനാഴ്ച വൈകിട്ട് മാര്‍ച്ച് നടന്നത്. ജില്ലയില്‍ ഉച്ചയോടെ പ്രഖ്യാപിച്ച നിരോധനാജ്ഞ മറികടന്നായിരുന്നു മാര്‍ച്ച്.
പ്രതികരിക്കാൻ ഇവിടെ എഴുതുക: