അടിമാലി: സി.പി.എം ഇടുക്കി ജില്ലാ സെക്രട്ടറി എം.എം. മണിയുടെ വിവാദ പ്രസംഗത്തില് പരാമര്ശിച്ച മൂന്നു രാഷ്ട്രീയ കൊലപാതകങ്ങളുടെ കേസ് ഡയറികള് പോലീസിനു ലഭിച്ചു. മൂന്നാര് ഡി.വൈ.എസ്.പി കേസ് ഡയറികള് അന്വേഷണ സംഘത്തിനു കൈമാറി.
കേസ് ഡയറികള് അടിയന്തരമായി പരിശോധിക്കാന് ഡി.ജി.പി ജേക്കബ് പുന്നൂസ് കഴിഞ്ഞദിവസം നിര്ദേശം നല്കിയിരുന്നു. സി.പി.എം ഇടുക്കി ജില്ലാ സെക്രട്ടറി എം.എം. മണിയുടെ വിവാദ പ്രസംഗത്തിന്റെ പശ്ചാത്തലത്തിലാണ് ഇടുക്കി എസ്.പിക്ക് നിര്ദേശം നല്കിയത്.
പ്രസംഗത്തില് മണി പറഞ്ഞ കാര്യങ്ങള് ഉള്പ്പെടെയുള്ളവ അന്നത്തെ കേസ് അന്വേഷണത്തില് പരിഗണിച്ചിട്ടുണ്ടോയെന്നും ഉള്പ്പെടുത്തിയിട്ടുണ്ടോയെന്നും പരിശോധിക്കണമെന്നാണ് നിര്ദ്ദേശം.
പ്രതികരിക്കാൻ ഇവിടെ എഴുതുക: