തിരുവനന്തപുരം: സി.പി.എം ഇടുക്കി ജില്ലാ സെക്രട്ടറി എം.എം.മണി പീരുമേട്ടില്‍ നടത്തിയ വിവാദ പ്രസംഗത്തെ കുറിച്ച്‌ പരിശോധിച്ച്‌ റിപ്പോര്ട്ട് നല്‍കാന്‍ ഡി.ജി.പി ജേക്കബ്‌ പുന്നൂസ്‌ ഇടുക്കി എസ്‌.പിക്ക്‌ നിര്‍ദ്ദേശം നല്‍കി. രാഷ്‌ട്രീയ എതിരാളികളെ കോന്നിട്ടുണ്ടെന്നും ഇനിയും കൊല്ലുമെന്നായിരുന്നു മണിയുടെ വിവാദ പരാമര്‍ശം.
മണി നടത്തിയ വെളിപ്പെടുത്തലുകള്‍ കേസ്‌ ഡയറിയില്‍ ഉള്‍പ്പെട്ടിട്ടുണ്ടോ, കേസിലെ നടപടിക്രമങ്ങള്‍ തുടങ്ങിയ കാര്യങ്ങള്‍ പരിശോധിക്കാനാണ്‌ നിര്‍ദേശം. ഇതിനുശേഷം ആവശ്യമെങ്കില്‍ നിയമോപദേശം തേടാനും കേസ്‌ ചാര്‍ജ്‌ ചെയ്യാനുമാണ്‌ തീരുമാനം.
മണിയുടെ പരാമര്‍ശം ഗൗരവകരമാണെന്ന്‌ കേന്ദ്രമന്ത്രി കെ..സി.വേണുഗോപാല്‍ പറഞ്ഞു. മണിക്കെതിരെ കേസെടുക്കണമെന്ന്‌ പിടി.തോമസ്‌ എം.പിയും മുസ്ലീം ലീഗും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: