കാസര്‍കോട്‌ : എരുതുംകടവ്‌, ബാരിക്കാട്ട്‌, പുലി ഇറങ്ങി. ഇതുസംബന്ധിച്ച്‌ നാട്ടുകാര്‍ വിവരം നല്‍കിയതിനെ തുടര്‍ന്ന്‌ വിദ്യാനഗര്‍ പോലീസ്‌ സ്ഥലത്തെത്തി അന്വേഷണം തുടങ്ങി. വനം വകുപ്പ്‌ അധികൃതരും സ്ഥലത്തെത്തിയിട്ടുണ്ട്‌. എരുതുംകടവില്‍ ഏതാനും ദിവസങ്ങളായി പുലി ഭീഷണി ഉണ്ടായിരുന്നു. ഏതാനും ആടുകളെ കാണാതാവുകയും ചെയ്തു. ഇതോടെ പുലി ഇറങ്ങിയതായുമുള്ള അഭ്യൂഹം ശക്തമായി. ഭയം കാരണം കഴിഞ്ഞ ദിവസം രാത്രി പലരും പുറത്തിറങ്ങാന്‍ പോലും തയ്യാറായിരുന്നില്ല. ഇതിനിടയിലാണ്‌ പഞ്ചായത്ത്‌ മെമ്പറായ ഒരാള്‍ താന്‍ പുലിയെ കണ്ടതായി പൊലീസിനെ അറിയിച്ചത്‌. പാറക്കെട്ടുകളും കുറ്റിക്കാടുകളും നിറഞ്ഞ പ്രദേശത്ത്‌ പുലി ഉണ്ടാകാനുള്ള സാധ്യത തള്ളിക്കളയാന്‍ കഴിയില്ലെന്നു പൊലീസ്‌ പറയുന്നു.
Saturday, November 23, 2024
എരുതും കടവില്‍ പുലിയിറങ്ങി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: