ജക്കാര്‍ത്ത: ഇന്തോനോഷ്യയില്‍ ലോകോന്‍ അഗ്നിപര്‍വതം പൊട്ടിത്തെറിച്ചു. ആളപായമോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല. ഈ ആഴ്ച രണ്ടാം തവണയാണ് ലോകോന്‍ പൊട്ടിത്തെറിക്കുന്നത്. തിങ്കളാഴ്ച അഗ്നിപര്‍വതത്തില്‍ നിന്നും തീയും പുകയും ഉയര്‍ന്നിരുന്നു.
മൂന്നര കിലോമീറ്റര്‍ ചുറ്റളവിലുളള പ്രദേശങ്ങളില്‍ പൊടിയും ചാരവും വമിക്കുകയാണ്. ചുട്ടുപഴുത്ത പാറകളും വാതകങ്ങളും 1,500 മീറ്റര്‍ ഉയരത്തില്‍ വ്യാപിച്ചു. ഇതേത്തുടര്‍ന്ന് ആയിരത്തോളം പ്രദേശവാസികള്‍ കൂട്ടത്തോടെ സ്ഥലംവിടുകയാണ്.
പ്രതികരിക്കാൻ ഇവിടെ എഴുതുക: